ପଖାଳ

ଭାବମୟ ସେହି
ଅଲିଭା ସ୍ବାକ୍ଷର
ପ୍ରତିଟି ଅଣୁରେ ଛନ୍ଦ ।

ବିମୋହିତ ସଦା
ସମ୍ପର୍କ ବନ୍ଧନ
ଗଭୀରତା ଅନୁଭବ ।।

ଋତୁ ପୁଲକରେ
ବାସ୍ତବତା ଛବି
ନିଗାଡିଛ ପରିଚୟ ।

ସଂସ୍କୃତି କୋଳରେ
ମୁଗ୍ଧ ପରିଭାଷା
ହୋଇଛି ଗୌରବ ମୟ ।

ଭାବ ଉଲ୍ଲାସର
ଜୀବନ ତରଙ୍ଗ
ପଖାଳ କଂସାରେ ଢେଉ ।

ପ୍ରତି ପ୍ରାଣେ ଆଙ୍କେ
ସୁଧା ସଞ୍ଜିବନୀ
ଲୁଟିଛି ଭୋକର ଦାଉ ।।

ଅନ୍ନପୂର୍ଣ୍ଣା ରୂପେ
ସଜାଡ଼ି ଦେଇଛି
ହୃଦୟ ତଳର ଆଶା ।

ବତୁରା ସ୍ନେହରେ
ଭରି ଦେଇଅଛି
କେବେଠୁ ଜୀଇବା ନିଶା ।

କୋଟି ଓଡ଼ିଆ ଙ୍କ
ମଉଡ଼ମଣି ସେ
ହୃଦୟ ଲାବଣ୍ୟ ନିଧି ।

ସିଦ୍ଧ ଉପଚାରେ
ଲାଗି ହୋଇଥାଏ
ତା ପାଖେ ପଖାଳ ବିଧି ।

ମାନସ ପଟଳେ
ନିଃସର୍ଗ ଉଲ୍ଲାସ
ବିସ୍ମୟ ସେ ଭାବଧାରା ।

ଭକ୍ତ ପାଇଁ ସେତ
ମନ୍ମୟ ମଞ୍ଜୁଳ
ପ୍ରତି ପ୍ରାଣେ ଅପାସୋରା ।।

କେବେ ଖୁଦଭଜା
ପ୍ରିୟ ପ୍ରଲୋଭନେ
ସମ୍ମୋହନ ହସ୍ତାକ୍ଷର ।

ଘିଅ ପଖାଳରେ
ଶ୍ରେଷ୍ଠ ଉଦ୍ଦୀପନା
ଅନନ୍ୟ ନମୁନା ଧାର ।