ସଭିଙ୍କ ମଙ୍ଗଳ ହେଉ

ଭକ୍ତ ଚରଣ ସାହୁ, ଯାଜପୁର, ୩୦ ଅଗଷ୍ଟ ୨୦୨୩

ଆଜି ପରା ପ୍ରଭୁ
ବଳଦେବଙ୍କର
ଶୁଭ ଜନ୍ମ ଦିନ ତିଥି ।
ତାଙ୍କରି ଦୟାରୁ
ଆଜିର ଦିନଟି
ଶୁଭେ ଶୁଭେ ଯାଉ ବିତି ।।
ତାଙ୍କ ନାମ ତୁଣ୍ଡ ନେଉ।
ତାଙ୍କରି ଆଶିଷେ
ଆଜିର ଦିନଟି
ସଭିଙ୍କ ମଙ୍ଗଳ ହେଉ ।।

ଆଜି ପରା ରକ୍ଷା-
ବନ୍ଧନ ଉତ୍ସବ
ପୁର ପଲ୍ଲୀ ମୁଖରିତ ।
ଭଉଣୀ ବାନ୍ଧିବ
ଭାଇ ହାତେ ରାକ୍ଷୀ
ବିଭୁ ନାମ ସୁମରିତ ।।
ରାକ୍ଷୀଟି ରହିବ ସାକ୍ଷୀ ।
ଭାଇ ପାଖେ ଥିଲେ
ଦେଖାଇବନି କେ
ଭଉଣୀକୁ ନାଲି ଆଖି ।।

ଘରେ ଘରେ ଆମେ
ପାଳି ଆସୁଥିବା
ଆନନ୍ଦେ ଗୋମାତା କୁଳ ।
ଆଜି ଭଳି ଦିନେ
ସେମାନଙ୍କୁ ପୂଜି
ଆଶିଷ କରିବା ଠୁଳ ।।
ବେକେ ଲମ୍ବାଇବା ମାଳ ।
ଖାଇବାକୁ ଦେବା
ସୁସ୍ୱାଦୁ ଭୋଜନ
ଦୂରେ ହଟିଯିବ କାଳ ।।

ଏଭଳି ଗୋଟିଏ
ପବିତ୍ର ଦିନରେ
ଶୁଭେଚ୍ଛା ଅଭିନନ୍ଦନ ।
ଜଣାଉଛି ବନ୍ଧୁ
ଘେନିଲେ ସାଦରେ
ଖୁସି ହୋଇଯିବ ମନ ।।
କଥା ରହିଯିବ ଅଧା ।
ଆଜି ଭଳି ଦିନେ
ନ ଦେଉଛି ଯଦି
ଲଘୁଜନେ ସ୍ନେହ ଶ୍ରଦ୍ଧା ।।