ଶ୍ରୀକ୍ଷେତ୍ର ଯାଇ ମୁଁ

ଦେବେନ୍ଦ୍ର କୁମାର ସାହୁ, ୨୯ ସେପ୍ଟେମ୍ବର ୨୦୨୨

ଶ୍ରୀକ୍ଷେତ୍ର ଯାଇ ମୁଁ
କାଳିଆ କାହିଁକି
ଖୋଜିବି ରହିବା ଘର,
ତୋର ବଡଦାଣ୍ଡ
କେଡେ ମନୋହର
ରହଣି ସେଠାରେ ମୋର.

ଖୋଜିବି କାହିଁକି
ସ୍ନାହାନ ଘରମୁଁ
ଶଙ୍ଖ କ୍ଷେତ୍ର ବୁଲି ବୁଲି
ନରେନ୍ଦ୍ର ଜଳରେ
କରିବି ସ୍ନାହାନ
ସବୁ ଅବସାଦ ଭୁଲି.

ପୁରୁଷୋତ୍ତମ ରେ
କାହିଁକି କାଳିଆ
ଭୋଜନାଳୟ ଖୋଜିବି,
ଆନନ୍ଦ ବଜାରେ
ବସିଯାଇ ତଳେ
ଅବଢ଼ା ଡାଲି ଖାଇବି.

ତୋ ଧାମେ କାଳିଆ
କାନ୍ଦିବି କାହିଁକି
ଦୁଃଖ ସୁଖ ଦାତା ତୁହି,
ମନ୍ଦିର ବେଢାରେ
ବୁଲୁଥିବି ମୁହିଁ
ଆନନ୍ଦେ ତୋ ଜୟ ଗାଇ.