ସ୍ବପ୍ନ ଆଉ ରାତି

ସସ୍ମିତା ପଣ୍ଡା, କଟକ, ୬ ଜୁନ୍ ୨୦୨୩

ବଢ଼ି ଯାଉ ରାତି
ସ୍ବପ୍ନ ମାନେ ଭିଡ଼ କରନ୍ତୁ
ସ୍ଥିତି ନୁହେଁ
ସମ୍ଭାବନା ସହିତ ।।

ସଞ୍ଜ ବିଞ୍ଚିଛି ଆଞ୍ଜୁଳେ
ମଲ୍ଲୀ ଗଜରା
ବାସ୍ନାରେ ଅଜାଡ଼ିଛି
ଗୋଟେ ନିରବଚ୍ଛିନ୍ନ
ବାସ୍ତବତା ।।

ଏମିତି କଣ ଜହ୍ନକୁ
ମାଗିବାକୁ ହୁଏ
ଜୋଛନା ସବୁ
କଇଁ ବଞ୍ଚିବା ରାତିରେ ।।

ସମୁଦାୟ ରାତିରେ
ଅଜବ କାହାଣୀ
ଲେଖିବାକୁ
ଫୁଲେଇ ହୁଏ ଗଜରା ।।

ଜମାଟ ବାନ୍ଧିଥିବା
ନିସଙ୍ଗତା
ମାଖି ହେଉଛି ଅତର
ମୁଁ କିନ୍ତୁ ଠିକ୍
ତୁମପରି ନୀରବ
ଅଭିଯୋଗ କରିବା
ଆଦୌ ପସନ୍ଦ ନାହିଁ
ଅଳି କରୁଥିବା
ଅନାବନା ଶବ୍ଦ ମାନେ କେତେ
ଅସହିଷ୍ଣୁ ସତରେ ………।।