ଟିକେ ହସିବେକି….?

ଭକ୍ତ ଚରଣ ସାହୁ, ଯାଜପୁର, ୧୨ ଜୁଲାଇ ୨୦୨୩

।। ୧ ।।
ଡିବିରି ଆଲୁଅ
ହାତରେ ଧରିକି
ଆମରି ସାହିର ମାଉସୀ ଶର ।
ଚୁଲି ଲଗାଇବ
ରୋଷେଇ କରିବ
ନିଆଁ ପାଇଁ ଧାଏଁ ପଡିଶା ଘର ।।

।। ୨ ।।
ମୁଣ୍ଡରେ ଲାଗିଛି
ହେଲମେଟ ତା’ର
କଅଣ ଖୋଜୁଛି ଦେଖରେ ଭଲା ।
ଏପଟ ସେପଟ
ହୋଇ ଆମ ପାପୁ
କହୁଛି ହେଲମେଟ କୁଆଡେ ଗଲା ?

।। ୩ ।।
ନିଜ ମୋବାଇଲ
ହାତେ ଧରି ଡାକି
ପଡିଶା ଘରକୁ କହୁଛି ଚିକୁ ।
ଯାଇଥିଲି ବୁଲି
ଘରକୁ ତୁମର
ଛାଡି ଆସିଛିକି ମୋବାଇଲ ଟିକୁ ?

।। ୪ ।।
ଆଖିରେ ଲଗାଇ
ଗୋଲେଇ ଚଷମା
ଅଜା ବାହାରିଲେ ଶଶୁର ଘର ।
କହିଲେ ନାତିକୁ
ଚଷମା ଆଣିଲୁ
ଭୁଲି ଯାଉଛି ମୁଁ ଥରକୁ ଥର ।।