ପ୍ରଭୁକଲ୍ୟାଣ ମହାପାତ୍ର, ଭୁବନେଶ୍ୱର, ୨୮ ଅକ୍ଟୋବର ୨୦୨
ମୁଖ୍ୟମନ୍ତ୍ରୀମାନେ ଉପ-ନିର୍ବାଚନରେ
ପ୍ରଚାର କରିବା ଉଚିତ ନୁହେଁ,
ପ୍ରକୃତ ଯୋଗ୍ୟ ଆଉ ଦକ୍ଷ ପ୍ରାର୍ଥୀ ସବୁ
ବିଜୟୀ ହୁଅନ୍ତୁ ସମାଜ ଚାହେଁ।
ଏଭଳି ଉକ୍ତି ରଖିଥିଲେ ଯେଉଁ ଲୋକ
ନାମ ଥିଲା ତାଙ୍କର ବିଜୁ ପଟ୍ଟନାୟକ।।୧।।
ମୁଖ୍ୟମନ୍ତ୍ରୀ ଭାବେ ଉପ-ନିର୍ବାଚନର
ପ୍ରଚାରେ ସେ ଭାଗ ନେଇ ନଥିଲେ,
ରାଜନୀତି ମୈଦାନ ସ୍ୱଚ୍ଛ କରିବାକୁ
ମନ୍ତ୍ରୀଙ୍କ ସମ୍ପତ୍ତି ଜଣାଇ ଦେଲେ।
ଏଭଳି ନୂଆ କୀର୍ତ୍ତିମାନ ସ୍ଥାପନ କଲେ
ଦେଶରେ ଓଡ଼ିଶା ଗୌରବ ବଢ଼ାଇ ଦେଲେ।।୨।।
ଏବେ ଉପ-ନିର୍ବାଚନ ଜିତିବା ପାଇଁ
ମୁଖ୍ୟମନ୍ତ୍ରୀ ଆଗେ ମୈଦାନ ଯାଇ,
ନୂଆ ଘୋଷଣାର ପେଡ଼ି ଫିଟାଇ ଦେଇ
ଭୋଟର ସାମ୍ନାରେ ଦିଅନ୍ତି ଥୋଇ।
ରାଜନୀତି କ୍ଷେତ୍ର ନିର୍ମଳ କରିବା ପାଇଁ
ଦଳ ବା ନେତାଙ୍କ ସାମାନ୍ୟ ଦରଦ ନାଇଁ।।୩।।
ପୁଣି ଅନ୍ୟ ରାଜ୍ୟ ମୁଖ୍ୟମନ୍ତ୍ରୀଙ୍କୁ ନେଇ
ନୂଆପଡ଼ା ଭୂଇଁ କମ୍ପି ଉଠଇ,
ଭୋଟରଙ୍କୁ ମିଠା ମିଠା କଥା ଶୁଣାଇ
ମତ ନେବା ଲାଗି ହୁଅନ୍ତି ବାଇ।
ଆଉ କିଏ ଭୋଅଟ ନେଉଛି ଟଙ୍କା ଦେଇ
କିଏ ତାହା ହାସଲ କରୁଛି ଧମକାଇ।।୪।।
