ନିର୍ଭୀକ ବ୍ୟୁରୋ, ମାହାଙ୍ଗା, ୨୮ ଅପ୍ରେଲ ୨୦୨୫
ଗଣକବି ବୈଷ୍ଣବ ପାଣିଙ୍କ ୬୯ତମ ଶ୍ରାଦ୍ଧ ବାର୍ଷିକୀ ଅବସରରେ ଶରତ କର ଓ ଅନିମା କର ଫାଉଣ୍ଡେସନ ଏବଂ ବର୍ଷୀୟାନ ଅନୁଷ୍ଠାନ ଗଣକବି ସ୍ମୃତି ସଂସଦ ପକ୍ଷରୁ କବିଙ୍କ ଜନ୍ମପୀଠ କୋଠପଦା ଗ୍ରାମ ସ୍ଥିତ ପ୍ରତିମୂର୍ତ୍ତି ରେ ପୁଷ୍ପ ମାଲ୍ୟାର୍ପଣ ସହିତ ଗଭୀର ଶ୍ରଦ୍ଧାଞ୍ଜଳି ଜ୍ଞାପନ କରାଯାଇଛି। ପୂର୍ବତନ ବାଚସ୍ପତି ତଥା ମାହାଙ୍ଗା ବିଧାୟକ ସ୍ବର୍ଗତ ଶରତ କର ଙ୍କ ଦ୍ଵାରା ପ୍ରତିଷ୍ଠିତ ଗଣକବି ସ୍ମୃତି ସଂସଦ ପକ୍ଷରୁ କୁହାଯାଇଛି କି କବି ବୈଷ୍ଣବ ପାଣି ୧୮୮୨ ମସିହା କୁମାର ପୂର୍ଣ୍ଣିମାରେ ଜନ୍ମ ଗ୍ରହଣ କରି ୧୯୫୬ ମସିହା ବୈଶାଖ ଅମାବାସ୍ୟାରେ ଇହଲୀଳା ସମ୍ବରଣ କରିଥିଲେ। ତଦନୁଯାୟୀ ପ୍ରତିବର୍ଷ କୁମାର ପୂର୍ଣ୍ଣିମା ରେ ତାଙ୍କ ଜୟନ୍ତୀ ଏବଂ ବୈଶାଖ ଅମାବାସ୍ୟା ତିଥିରେ ଶ୍ରାଦ୍ଧୋତ୍ସବ ପାଳନ କରାଯିବା ବିଧେୟ । ସଂସ୍ଥା ଦ୍ୱୟର ଅଧ୍ୟକ୍ଷ ଶୋଭନ କର ଙ୍କ ପରାମର୍ଶ କ୍ରମେ ବହୁ ବୁଦ୍ଧିଜୀବି, ବୟୋଜ୍ୟେଷ୍ଠ ମୂରବୀ, ସ୍ଥାନୀୟ ବୈଷ୍ଣବ ପାଣି ପ୍ରେମୀ ଜନସାଧାରଣ ଙ୍କ ସମେତ ଅନୁଷ୍ଠାନ ର କର୍ମକର୍ତ୍ତା ଓ ସଦସ୍ୟ ବୃନ୍ଦ ଯଥାକ୍ରମେ ରାମ ଚନ୍ଦ୍ର ମହାପାତ୍ର, ଶୁଭେନ୍ଦୁ କୁମାର ସାମଲ,ରାମ ଚନ୍ଦ୍ର ବେହେରା, ରତ୍ନାକର ମହାନ୍ତି, କୈଳାଶ ଚନ୍ଦ୍ର ବଳବନ୍ତରାୟ, କାର୍ତ୍ତିକ ଚନ୍ଦ୍ର ବିହାରୀ, ସମ୍ ଶେର ଅଲ୍ଲୀ ଖାଁ, ବାସୁଦେବ ପୃଷ୍ଟି, ମାଧବ ଚନ୍ଦ୍ର ପଲେଇ, ହେମନ୍ତ କୁମାର ମହାନ୍ତି, ଭାଗବତ ମଲ୍ଲିକ ଓ ହୃଷୀକେଶ ବେହେରା ପ୍ରମୁଖ ଗଣକବିଙ୍କ ସ୍ମୃତିରେ ଶ୍ରଦ୍ଧାଞ୍ଜଳି ବାଢ଼ିଥିଲେ ।
