ବ୍ୟୁରୋ ରିପୋର୍ଟ, ନିର୍ଭୀକ, ମାହାଙ୍ଗା, ୨୦ ଫେବୃଆରୀ ୨୦୨୬
ଗତକାଲି ସକାଳ ୧୦ ଘଟିକା ସମୟରେ ଶରତ କର ଓ ଅନିମା କର ଫାଉଣ୍ଡେସନ ଆନୁକୁଲ୍ୟରେ ଫାଉଣ୍ଡେସନ ଅଧ୍ୟକ୍ଷ ତଥା ପ୍ରାକ୍ତନ ଆୟକର ଆୟୁକ୍ତ ଶୋଭନ କରଙ୍କ ଆହ୍ବାନ କ୍ରମେ ବିଂଶ ଶତାବ୍ଦୀରେ ଓଡ଼ିଶାର ସାମାଜିକ କ୍ଷେତ୍ରରେ ସ୍ମରଣୀୟ ପ୍ରବାଦ ପୁରୁଷ, ସମାଜ ସଂସ୍କାରକ ବୈରାଗୀ ଚରଣ ମିଶ୍ର ଙ୍କର ୬୦ ତମ ଶ୍ରାଦ୍ଧବାର୍ଷିକୀ ଉତ୍ସବ ପାଳିତ ହୋଇ ଯାଇଛି । ଏହି ଅବସରରେ ତାଙ୍କର ଜନ୍ମମାଟି ମୂଳବସନ୍ତ ଗ୍ରାମ ପଞ୍ଚାୟତର ଗୁଣୁପୁର ଗ୍ରାମର ଆରାଧ୍ୟ ଦେବୀ “ମାଁ ବରୁଣାଇ” ପଡ଼ିଆ ସ୍ଥିତ ବରପୁତ୍ରଙ୍କ ପ୍ରତିମୂର୍ତ୍ତୀରେ ଧୂପ ଦୀପ ପୁଷ୍ପମାଲ୍ୟ ଅର୍ପଣ କରାଯିବା ସହିତ ଶ୍ରଦ୍ଧାଞ୍ଜଳି ଜ୍ଞାପନ କରାଯାଇଛି। ସ୍ଥାନୀୟ ଅଞ୍ଚଳର ଗ୍ରାମବାସୀ, ଛାତ୍ର ଛାତ୍ରୀ ଙ୍କ ସମେତ ଶରତ ପ୍ରେମୀ ପରିବାରର ସଦସ୍ୟ ବୃନ୍ଦ ଉପସ୍ଥିତ ରହି ଶ୍ରଦ୍ଧାର୍ଘ୍ୟ ଅର୍ପଣ ପୂର୍ବକ ଉକ୍ତ ପୂଜ୍ୟପୂଜା କାର୍ଯ୍ୟକ୍ରମକୁ ସାଫଲ୍ୟମଣ୍ଡିତ କରିଥିଲେ ।
ଫାଉଣ୍ଡେସନ ତରଫରୁ କୃଷି ଉତ୍କର୍ଷ କେନ୍ଦ୍ରର ସଂଯୋଜକ ଶ୍ରୀ ଶୁଭେନ୍ଦୁ କୁମାର ସାମଲ କାର୍ଯ୍ୟକ୍ରମ ପରିଚାଳନା କରିଥିବା ବେଳେ ଶରତ ପ୍ରେମୀ ପରିବାରର ବରିଷ୍ଠ ସଦସ୍ୟ ଶ୍ରୀ ରାମ ଚନ୍ଦ୍ର ମହାପାତ୍ର, ଶ୍ରୀ ପ୍ରଶାନ୍ତ କୁମାର କର ଓ ଶ୍ରୀ କାର୍ତ୍ତିକ ଚନ୍ଦ୍ର ବିହାରୀ ପ୍ରମୁଖ ସହଯୋଗିତା କରିଥିଲେ।
