ସ୍ୱପ୍ନ ହେଉନି ଚରିତାର୍ଥ

ପ୍ରଭୁକଲ୍ୟାଣ ମହାପାତ୍ର, ଭୁବନେଶ୍ୱର, ୨୭ ଅକ୍ଟୋବର ୨୦୨୬

ସ୍ୱାଧୀନତାର ଅଣାଅଶୀ ବର୍ଷ ପରେ ବି
ଭୋକର ଜ୍ବାଳାକୁ ଉପଶମ
ବେକାରୀ, ଗରିବୀ ସମାଧାନ
କରିବାକୁ ଆମେ ଅସମର୍ଥ ।।୧।।

ସ୍ଵତନ୍ତ୍ର ପ୍ରଦେଶର ନବେ ବର୍ଷ ପରେ ବି
ବିକଶିତ ଓଡ଼ିଶା ଗଠନ
ସ୍ବପ୍ନକୁ ଆମେ କରିପାରୁନୁ
ଏଯାବତ୍ ପରା ଚରିତାର୍ଥ ।।୨।।

ମଙ୍ଗଳ ଗ୍ରହରେ ଆମ ପହଞ୍ଚ ପରେ ବି
ଦାରିଦ୍ର୍ୟ ସଂଖ୍ୟା ନେଇ ବିବାଦ
ମାଗଣା ଖାଦ୍ୟ ପାଇଁ ଫେରାଦ
ପ୍ରମାଣ କରେ ଆମ ପରାର୍ଥ ।।୩।।

ସୁଦୃଢ଼ ଅର୍ଥନୀତିର ଦମ୍ଭୋକ୍ତି ପରେ ବି
ମହିଳା ‘ସୁଭଦ୍ରା’ ଟଙ୍କା ନେଇ
ଚାଷୀ ‘ସବ୍ସିଡି’ ଅର୍ଥ ପାଇ
ହେଉଛନ୍ତି କେତେ କୃତାର୍ଥ ।।୪।।

ଅପରିମିତ ଯୋଜନା ଘୋଷଣା ପରେ ବି
ଗରିବୀ ଦୂର ହେଉ ନାହିଁତ
ବେକାରୀ ଉତ୍କଟ ଏପର୍ଯ୍ୟନ୍ତ
ଆମେ ପାଲଟିଛୁ ଅପଦାର୍ଥ ।।୫।।