ବାଜେ କବିତା

ଅକବି, ୨ ନଭେମ୍ବର ୨୦୨୨

ସୁବାସ ସୁବାସେ                ମହକିବ ସତେ
ଆମ ଏ କଟକ ନଗର !
ନଇଲେ ଆମେରେ                ଯେତେ କଟକିଆ
ଭୋଗିବା ଭର୍ତ୍ସନା ପ୍ରହାର !!

ସୁବାସ ତ ଜଣେ                କାର୍ମିକ ପୁରୁଷ
କଥା କହିବାରେ ମାଷ୍ଟର !
ତାଙ୍କ କଥା କୁହା                ବାଗ ଯେ ନ ଜାଣେ
ସେ’ ଟା ମୂରୁଖଙ୍କ ସର୍ଦ୍ଦାର ! !

ଏବେ ତ ସରିଛି                ଚାଷବାସ ଜାଣ
ବୁଣା ହାଇବ୍ରିଡ୍ ବିହନ !
ଇନ୍ଦ୍ରଦେବ ଦୟା                କରିଲେ ଧନରେ
ସୁନାର ଫସଲ ଉତ୍ପନ୍ନ ! !

ଦୃଷ୍ଟିଆଡ ହେଲେ                ଟିକିଏ ମନୁଆ
ଉଜୁଡ଼ି ଯିବ ଅମଳ !
ବସିଥିବା ଚେଇଁ                କଟକିଆ ଭାଇ
“ଶୃଗାଳର ଆଶା ଷଣ୍ଢର …….” ! ! !

ଲେଖିଲି ଏସନ                ବୋଲି ବିଜ୍ଞଜନେ
ମନ ନ କରିବ ଉଣା !
ତାଙ୍କ କରାମତି                ସମସ୍ତେ ଜାଣନ୍ତି
ସେ ଜଣେ କରିତକର୍ମା ! !

ଦେଲି ମୋ ଠିକଣା                ମୁଇଁଟା ଅଜଣା
‘ଗୁଟେ କଟକିଆ’ ଛାର !

ଯଦି ମନ ହେଲେ                ୯୯୩୮୧୯୬୨୦୦ ନମ୍ୱରକୁ
ଟୁଂ – ଟାଂ – ଟିଂ କର ! !