ଆଲୋକ କୁମାର ପ୍ରଧାନ, ପୁରୀ, ୯ ଜାନୁୟାରୀ ୨୦୨୩
ଏତେଟା ସହଜ ନୁହେଁ ସହଜରେ ସହଜ ହି୍ଁ ହେବା ।
ଏତେଟା ସହଜ ନୁହେଁ ମିଛ ରଙ୍ଗେ ସତକୁ ଢାଙ୍କିବା ।
ଏତେଟା ସହଜ ନୁହେଁ ଶବ୍ଦ ଦେହେ ସତର ବଷାଣ ।
ଏତେଟା ସହଜ ନୁହେଁ ମିଛେ ମିଛେ ସତ ସମ୍ମୋହନ।
ଏତେଟା ସହଜ ନୁହେଁ ମିଛ ଶିର ସତର କବନ୍ଧ ।
ଦେହ ସାରା ସତ ଆଖି ମିଛ ଅନ୍ଧ ମିଛ ଆଖି ଅନ୍ଧ ।
ଅସହଜ ପଣ ଛାଇ ସହଜରେ ସଉତୁଣୀ ସାଜେ।
ମିଛର ତୂଳୀରେ ଯହିଁ ସତ ଗୁଡ଼ା ମିଛଟାରେ ହଜେ।
ସହଜ ପଣର ଦେହେ ଦାହ ହୁଏ ଦହନର ଧୂଆଁ ।
ଦେହ ସିଏ ଦାହ ସିଏ ଅସହଜେ ଖାଲି ପାଣିଚିଆ।
ଏତେଟା ସହଜ ନୁହେଁ ସହଜରେ ନିଜକୁ ଆଙ୍କିବା।
ନିଜକୁ ନିଜଠି ତୁଳି ନିଜପାଇଁ ବାଟ ଟିଏ ହେବା ।
ଅସହଜପଣ ମେଳେ ସହଜିଆ ମନ ଗୋଟେ ନାହିଁ।
ସହଜେ ଜୀବନ ଥାଏ ଅସହଜେ ଜୀବନ ବା କାହିଁ?
