କଲମର ଧର୍ମ

ବିବେକାନନ୍ଦ ଦାସ, କଟକ, ୧୪ ଜାନୁଆରୀ ୨୦୨୩

ଖବରକୁ ନେଇ ସାଲିସ କରନା
ମାଲିସ କରନା ତେଲ,
ଗଣତନ୍ତ୍ରର ତୁମେ ଚତୁର୍ଥ ସ୍ତମ୍ଭ
ସାମ୍ବାଦିକତାକୁ ପେଷା କରନି
ନିଶାରେ ସୀମିତ ରହୁ
ସତ ଘଟଣା ତୁମ କଲମ ମୁନରେ
ନିତି ପ୍ରକାଶ ପାଉ ।
ଜନତାର ତୁମେ ଦରଦୀ ବନ୍ଧୁ
ବିପଦେ ପାଲଟ ସାଥି,
ଦୁର୍ନୀତି ଅବା ଅନିତୀକୁ ଦେଖି
ତୁମ ରକତ ଉଠୁ ତାତି
ପାଦେ ପାଦେ ତୁମ ରହିଛି ବିପଦ
ନିତି ମାଡି ଆସିଥାଏ ।
ତୁମ ସାହସ ଧୈଯ୍ୟକୁ ଦେଖି
ଶତ୍ରୁ ସଙ୍କି କରିଯାଏ ,
କଲମରେ ତୁମ ଶକତି ରହିଛି
ଅଶୀ ନିତି ଯାଏ ହାରି ।
ତୁମେମାନେ ଯଦି ଭିକାରୀ ସାଜିବ
କିଏ ଶୁଣିବ ଗୁହାରୀ,
ଲୋକଙ୍କ ଭରଷା ଆଶା ଅଟ ତୁମେ
ରହିଛି ତୁମର ସ୍ଥିତି ।
ଗଣତନ୍ତ୍ରର ତୁମେ ଜାଗ୍ରତ ପ୍ରହରୀ
ବଦଳାଅ ନାହିଁ ନିତି
ଖବର ଉପରେ ସବୁରୀ ନଜର
ରହେ ସକାଳ ସଂଧ୍ୟାରେ ।
ଚପିଲେ ଖବର ବଢିବ ଅନ୍ୟାୟ
ବ୍ୟାପିବ ଦୁର୍ନୀତି ଦେଶରେ,
ଗଣତନ୍ତ୍ର ଏବେ ଶୋଷଣ ତନ୍ତ୍ରରେ
ପରିଣତ ହୋଇଅଛି ।
ଶୋଷଣ, କଷଣ, ବର୍ଷଣ ହେଉଛି
କିଏ ବା ଦୁଃଖ ଶୁଣୁଛି ।
କଲମଟା ଯଦି ବନ୍ଧା ପଡିବ
ଦୁର୍ନୀତିଗ୍ରସ୍ତ ନେତାଙ୍କ ପାଖରେ,
ସାମ୍ବାଦିକତା ଛାଡି ତୁମେ ସବୁ
ଖଟଯାଇ ନିଜ ବିଲରେ ।
ଟାଉଟର ଉପାଧି ପାଇବା ପାଇଁକି
କରନି ପ୍ରତିଯୋଗିତା,
ସମାଜସେବାଟା କରିବା ସହଜ
ରହୁମନେ ମାନସିକା ।