ପ୍ରମୋଦ କୁମାର ଦାଶ, କଟକ, ୨୫ ଫେବୃଆରୀ ୨୦୨୩
ହେ ଅଚ୍ୟୁତାନନ୍ଦ ଦାସ
ଅଣାକ୍ଷର ମନ୍ତ୍ର ତୁମ୍ଭର ଯଶ
ଜନମ ମାଘ ଶୁକ୍ଳ ଏକାଦଶ
ନିଧନ ଜ୍ୟେଷ୍ଠ ପୂର୍ଣ୍ଣିମା
ସମାଧୀପୀଠ ପଦ୍ମବନ ସୀମା
କଟକ ନେମାଳ ଦିବ୍ୟ ଉପମା । ୧ ।
ସଖା ଜଗନ୍ନାଥ ଦାସ ମନ୍ତ୍ର ଷୋଳନାମ ଶବ୍ଦ ବତିଶ
ଭାଦ୍ର ଶୁକ୍ଳାଷ୍ଟମୀ ଜନମ ମାସ
ଶୁକ୍ଳ ସପ୍ତମୀ ମକର
ତିରୋଧାନ କପିଳେଶ୍ୱରପୁର
ସମାଧି ପୀଠ ଯେ ପୁରୀ ମାଟିର । ୨।
ସେ ଶିଶୁ ଅନନ୍ତ ଦାସ
ସୂର୍ଯ୍ୟ ନାରାୟଣ ମନ୍ତ୍ରେ ଅବଶ୍ୟ
ସିଦ୍ଧି ଖୋର୍ଦ୍ଧା ଭୁବନେଶ୍ୱର ପାଶ
ଆର୍ବିଭାବ ମାର୍ଗଶୀର ଶୁକ୍ଳ ଚତୁର୍ଦ୍ଦଶୀ ଦିବସ ଠାର
ଲୀଳା ଅନନ୍ତ କଲେ ଜଗତର । ୩ ।
ତିରୋଧାନ ମାଘ ମାସ
ପୂର୍ଣ୍ଣିମା ତିଥି ଜୀବଗାର ଶେଷ
ବାଲିପାଟଣା ସମାଧି ରାହାସ
ସଖା ଦାସ ବଳରାମ
ରାମ ତାରକ ମନ୍ତ୍ରେ ବିଶ୍ୱକାମ
ରଜ ସଂକ୍ରାନ୍ତୀରେ ପ୍ରଭୁ ଜନମ । ୪ ।
ତ୍ରିବେଣୀ ଅମାବାସ୍ୟାରେ ସ୍ୱର୍ଗବାସୀ ସମହରା ପାଟରେ
ପୁରୀ ବେଗୁନିଆ ଖ୍ୟାତି ମହୀରେ
ସଖା ଦାସ ଯଶୋବନ୍ତ
ଶ୍ୟାମ ପଞ୍ଚକ୍ଷର ମନ୍ତ୍ରେ ବିଖ୍ୟାତ
ଅକ୍ଷୟ ତୃତୀୟାରେ ସ୍ୱନକ୍ଷତ୍ର ।୫ ।
ଓଢଣ ଷଷ୍ଠୀ ତିଥିଣ
ଅଢଙ୍ଗ ନନ୍ଦୀଗ୍ରାମେ ତିରୋଧାନ
ଜଗତ୍ସିଂହପୁର ମାଟି ମହାନ୍
ଏ ପଞ୍ଚ ସଖା ମହାନ୍
ପଞ୍ଚ ଆତ୍ମା ଜଗନ୍ନାଥେ ଦର୍ଶନ
ସାର୍ଥକ ଲଭିବା କରିଲେ ଧ୍ୟାନ । ୬ ।
