ଶୈଳବାଳା ମହାପାତ୍ର, ପୁରୀ, ୧୩ ଜୁନ୍ ୨୦୨୩
କୋଉ ବାଲି କଥା ପଚାରୁଛ ?
ମୋ ଚାରିପଟେ ତ ଖାଲି ବାଲି ଆଉ ବାଲି
ବାଲିର ଜଞ୍ଜାଳ
ଖରାର ଦହଗଞ୍ଜ
ପାଦରେ ଚପଲ ନାଇଁ
ତାତି ଅସମ୍ଭାଳ !
ଲଙ୍ଗଳା ପାଦ ପଇଁତରା କରିଛି କେତେ
ବଡ଼ଶଙ୍ଖରୁ ଗୁଣ୍ଡିଚା ଘର
ରଥଙ୍କର ଦକ୍ଷିଣୀ ମୋଡ଼
ଚକରେ ଦୋଳିଖେଳ
ବାଲିରେ ପୋତିଛି ଗୋଡ଼
ଗଢିଛି ଦେଉଳ
ବାଲିରେ ରନ୍ଧା କେତେ ଭାତ ତୁ’ଣ
ବାଲି ତଳେ ଏବେବି ମହମହ
ଗୋଟେ ପିଲାଦିନ !
ବିସ୍ତୃତ ବାଲିରେ ଦୋହଲୁଥାଏ
ଅପରାହ୍ନ ଛାଇ
ଖୋଜୁଥାଏ ଛବିଟିଏ
ସେଲୁଆର୍ କମିଜରେ ବେଣୀବନ୍ଧା ଝିଅର
ହୁଏତ ଦରଜ ଦରାଣ୍ଡୁଥିବ ପଛଦିନ
ଶ୍ରଦ୍ଧାର ନଗ୍ରରେ
ବାଲିତଳେ !!
