ଡକ୍ଟର ମନୋରମା ବିଶ୍ୱାଳ ମହାପାତ୍ର, ଭୁବନେଶ୍ୱର, ୯ ଜୁଲାଇ ୨୦୨୩
ମୁଁ ଏକ ଗୋଧୁଳୀ ରଙ୍ଗଅଧୀରା
କାଶତଣ୍ଡିର ଗାଆଁ
ରାତି ଆକାଶର ଏକୁଟିଆ ତାରା
ଅରୁନ୍ଧତୀ ମୋ ନାଆଁ
ଦୂର ଅତୀତର ସପନ ହକଳା
ଆକାଶର ନୀଳ ଧରି
ତୁମେ ଖୋଜୁଥାଅ ହେନା, ଯୁଇ, ଯାଇ
ମହକେ ହେବାକୁ ଘାରି
ମୁଁ ନଦୀ ନୁହେଁ ସାଗର ବି ନୁହେଁ
ଅରୁନ୍ଧତୀ ମୋ ନାଆଁ
ସ୍ମୃତି ଝଲମଲ ହୀରାନୀଳା ନୁହଁ
ପ୍ରୀତି ପୁଲକିତ ଗାଁ
ସେ ଗାଁରେ ଆଜି ସପନ ବାନ୍ଧିଛି ଘର
କଇଁ ପାଖୁଡ଼ାରେ ଲେଖିଛି ପ୍ରୀତିର ସ୍ଵର
ମୁଁ ଏକ ଗୋଧୁଳୀ ରଙ୍ଗଅଧୀରା
କାଶତଣ୍ଡିର ଗାଆଁ
ଶରତ ଆକାଶେ ଏକୁଟିଆ ତାରା
ଅରୁନ୍ଧତୀ ମୋ ନାଁ ।
