ଗୀତଟିଏ ପରି ଆସିଲ ସେଦିନ

ଡକ୍ଟର ମନୋରମା ବିଶ୍ୱାଳ ମହାପାତ୍ର, ଭୁବନେଶ୍ୱର, ୧୯ ନଭେମ୍ବର ୨୦୨୩

ଗୀତଟିଏ ପରି ଆସିଲ ସେଦିନ
ମୋ ମନକୁ ମହକାଇ
ଛୁଇଁ ଦେଇଗଲ ଖିଆଲି ମନକୁ
ମୁଠାଏ ସପନ ହୋଇ ।

ଶରତ ନଈର ଜଳ ଅଇନାରେ
ତୁମରି ମନର ଛାଇ
ମୁଗ୍ଧ ଏ ମୋର ମଧୁପାୟୀ ମନ
ଖୋଜୁଛି ବିଭୋର ହୋଇ ।

କେଉଁ ଏଲୋରାର ମୁଖଶାଳା ତୁମେ
କୋଣାରକ କାରୁକଳା
ବିରହୀ କବିର କାବ୍ୟ ନାୟିକା
ସୂତନୁକା ଚାରୁଶିଳା
ତୁମେ ସତେ ଆଗୋ ପ୍ରୀତିର ପୂରବୀ
ମୋ ଭାବନା ଗଲ ଛୁଇଁ
ଗୀତଟିଏ ପରି ଆସିଲ ସେଦିନ
ମୋ ମନକୁ ମହକାଇ ।