ଦେବେନ୍ଦ୍ର କୁମାର ସାହୁ, ନିଶ୍ଚିନ୍ତକୋଇଲି, ୧୨ ଅକ୍ଟୋବର ୨୦୨୬
ସାହିତ୍ୟ ସଂସ୍କୃତି ସଂସ୍କାର ସବୁକୁ
ଜନ୍ମିଥିଲ ତୁମ ସାଥେ ନେଇ
ସକଳ ବିଭା ରେ ବିମଣ୍ଡିତ ମାଟି
ମାହାଙ୍ଗା ଗର୍ବିତ ତୁମ ପାଇଁ ।
କେତେ ଯେ ମନୀଷୀ ଲଭି ମାହାଙ୍ଗାରେ
ଦେଖାଇ ନିଜର ଶ୍ରେଷ୍ଠ ପ୍ରତିଭା
ସାରା ଓଡିଶାରେ ମାହାଙ୍ଗା ମା’ର
ବଢ଼ାଇ ଅଛନ୍ତି ବର୍ଣ୍ଣାଢ୍ୟ ଶୋଭା ।
ସେହି ସବୁ ଯୋଗ୍ୟ ସନ୍ତାନ ଭିତରେ
ତୁମେ ସୁଦର୍ଶନ ରତନ ଟିଏ
ଓଡିଶା ସଂସ୍କୃତି ସାହିତ୍ୟ ଜଗତ
ତୁମ ନାମ ସସମ୍ମାନେ ନିଏ ।
ତୁମେ ବାଛିଥିଲ ଭୂମିପୁତ୍ର ବିଜୁ
ହେବାକୁ ତୁମର ଜୀବନାଦର୍ଶ
ବିଜୁ ବାବୁ ସଙ୍ଗେ ରହି କାମ କରି
କରିଦେଲ ଏହି ରାଜ୍ୟ ଉତ୍କର୍ଷ ।
ରାଜନୀତି ପାଇଁ ତୁମକୁ “ଶରତ”
କରୁଥାଉ କିଏ ସମାଲୋଚନା
କିନ୍ତୁ ତା ହୃଦୟେ ତୁମ ପାଇଁ ତା’ର
ରହିଥାଏ ସଦା ଉଚ୍ଚ ଭାବନା ।
ବାଗ୍ମୀତା ରେ ତୁମେ ବାରି ହୋଇ ଯାଅ
ଜ୍ଞାନ ଭରା ତୁମ ବକ୍ତବ୍ୟ ପାଇଁ
ତୁମ କଥା ଶୁଣି ସ୍ମରଣରେ ରଖି
ଯାଇଛନ୍ତି କେତେ ସୁବାଗ୍ମୀ ହୋଇ ।
ଯେତେବେଳେ ଯାହା ପାଇଛ ଦାୟିତ୍ୱ
ତାହାକୁ ସୁଚାରେ ସମ୍ପାଦି ଅଛ
ସେଥିରେ ନିଆରା କାମ ସବୁ କରି
ଗୁଣି ଜନ ଶ୍ରଦ୍ଧା ତୁମେ ପାଇଛ ।
ତୁମ ବିବଂଗତ ଦିନାଙ୍କରେ ଆଜି
ତୁମକୁ ସହସ୍ରବାର ନମନ
ତୁମ ପରି ପୁତ୍ର ପାଇଣ ମାହାଙ୍ଗା
ବିଜ୍ଞାନୀ ଜନଙ୍କ ପାଏ ସମ୍ମାନ ।
