ବହୁଦିନ ପରେ ଆଜି ବର୍ଷା ଯାଏ ଝରି ଝରି

ଡକ୍ଟର ମନୋରମା ବିଶ୍ୱାଳ ମହାପାତ୍ର, ଭୁବନେଶ୍ୱର, ୩୦ ଜୁନ୍ ୨୦୨୪

ବହୁଦିନ ପରେ ଆଜି ବର୍ଷା ଯାଏ ଝରି ଝରି
ବାସ୍ନାଭରା ଦିନ ସବୁ ମନେ ପଡ଼େ ଭାରି
ଅତୀତର ସ୍ମୃତି ସବୁ
ମନରେ ହୁଏ ଘାରି ।
ସ୍ମୃତି ଏକ ଦୁଷ୍ଟ ଝିଅ ଭୀଷଣ ଅମାନିଆ
କେତେବେଳେ ହସୁଥାଏ
କେତେବେଳେ କାନ୍ଦୁଥାଏ
କିଛି କେବେ ନାହିଁ ତା ଠିକଣା ।
ବର୍ଷା ରାତେ ମନରେ ମୋର
ସ୍ମୃତିର ଖିଅଟିଏ
ସାରା ରାତି ବର୍ଷା ଆସି ମୋ ସହ ଗପୁଥାଏ
ବହୁଦିନ ପରେ ଆଜି ବର୍ଷା ଯାଏ ଝରି ଝରି
ବାସ୍ନାଭରା ଦିନ ସବୁ ମନେ ପଡ଼େ ଭାରି ।