ଦାସ ଆପଣେ

ପ୍ରମୋଦ କୁମାର ଦାଶ, କଟକ, ୯ ଅକ୍ଟୋବର ୨୦୨୪

ଜନମଙ୍ଗଳ ରେ ଜନସେବା ଯଜ୍ଞେ ଝାସ ଯିଏ ଦେଇଥିଲେ।
ଜନବନ୍ଧୁ ଭାବେ ଜନମାନସ ରେ ଇତିହାସେ ଖ୍ୟାତ ହେଲେ।।
ସେବା ଓ ପ୍ରେମ ର ମହତ୍ତ୍ଵ ଶିକ୍ଷାକୁ ଭାଗବତ ଠାରୁ ନେଇ।
ସେବା ସର୍ବଶ୍ରେଷ୍ଠ ଧର୍ମ ଆଚରଣ ଜୀବନ ପଥରେ ଧ୍ୟାୟୀ।।
ଉତ୍କଳୀୟ ଜାତୀୟତାବାଦ କୁ ସେ ଜୀବନେ କଲେ ବ୍ୟାପକ।
ଉତ୍କଳ ସମ୍ମିଳନୀ ମାଧ୍ୟମେ ରଖିଲେ ଓଡ଼ିଆ ଜାତି ର ଟେକ।।
ଭାଷା କୁ ଜାତିର ପ୍ରାଣସ୍ପନ୍ଦନରେ କରିଥିଲେ ଅଭିହିତ।
ଦେଶ ଜାତି ପ୍ରେମେ ଉତ୍କଳ ଭୂମିର ରଖିଥିଲେ ସେ ମହତ।।
ନିଃସ୍ବାର୍ଥପର ଦୁଃଖୀ ସେବା ତ୍ୟାଗ ତୁଳନା ତାହାର ନାହିଁ।
ସତ୍ୟବାଦୀ ବନ ବିଦ୍ୟାଳୟ ସମ ପ୍ରତିଷ୍ଠା ଜଗତେ କାହିଁ।।
ବିଧାନ ସଭାର ସଦସ୍ୟ ଥାଇଁ ବି ଦୁଃଖୀ ଦୁଃଖ ବୁଝୁଥିଲେ।
ନିରନ୍ନ ବୁଭୁକ୍ଷୁ ଜନତା ସେବା କୁ ବିଭୁ ସେବା ମଣିଥିଲେ।।
ଓଡ଼ିଶା ପ୍ରଦେଶ ଗଠନେ ଅଂହିସା ଆନ୍ଦୋଳନ କରିଥିଲେ।
ଓଡ଼ିଆ ର ସ୍ୱର ଲିପିବଦ୍ଧ୍ ପାଇଁ ସମାଜ ପ୍ରତିଷ୍ଠା କଲେ।।
ମହାତ୍ମା ଭାବରେ ନିଜ ତନ ମନ ଧନ ଯୌବନ ତେଜିଲେ।
ଉତ୍କଳମଣି ସେ ଧ୍ରୁବତାରା ଆମ ହୃଦୟେ ଅଙ୍କିତ ହେଲେ।।
ଦାସ ଆପଣେ ଙ୍କୁ ଝୁରୁଛି ଆଜି ଅପହଞ୍ଚ ଇଲାକା ମାଟି।
ପୁଣ୍ୟ ଜନ୍ମତିଥି ସ୍ମରଣୀୟ ସଦା ଘେନ ମୋ ପ୍ରଣାମ କୋଟି।।