ପଦ୍ମଶ୍ରୀ ରଜତ କୁମାର କର

ବିଜୟ କୁମାର ପାଣି, ମାହାଙ୍ଗା, କଟକ, ୧୪ ମଇ ୨୦୨୪

ରଜତ ନୁହଁନ୍ତି ସୁବର୍ଣ୍ଣ ଅଟନ୍ତି
          ମାହାଙ୍ଗା ର ବରପୁତ୍ର ।
କୋଟିରେ ଗୋଟିଏ ଜନମ ନିଅନ୍ତି
         ତାଙ୍କ ପରି ସହିତ୍ୟିକ ।।

ଓଡ଼ିଆ ଭାଷାକୁ କରି ସେ ମନ୍ଥନ
          ଅମୃତ କଳସ ଧରି ।
ଉଭା ହୋଇଥିଲେ ଓଡ଼ିଶା ମାଟିରେ
        ବାଣ୍ଟୁ ଥିଲେ ପୁର ପଲ୍ଲୀ ।।

ଜଗନ୍ନାଥ ଆଉ ଭଞ୍ଜ ସାହିତ୍ୟର
            ଥିଲେ ବହୁ ଜଣା ଶୁଣା ।
ଆମେରିକା ଯାଇ ବଖାଣିଲେ କେତେ
           ଜଗନ୍ନାଥଙ୍କ ମହିମା ।।

ରଥ ଯାତ୍ରା ବେଳେ ଶ୍ରୀକ୍ଷେତ୍ରରେ ବସି
          କରନ୍ତି ମହିମା ଗାନ ।
ଲକ୍ଷ ଲକ୍ଷ ଭକ୍ତ ସ୍ତବ୍ଧ ହେଉଥିଲେ
         ଶୁଣି ଓଜସ୍ୱୀ ଭାଷଣ ।।

ତାଙ୍କ ସମୟରେ ପାଲା ଜଗତରେ
         ହଇଚଇ ସୃଷ୍ଟି କଲେ ।
ଜ୍ଞାନ ରୂପକାର ଗନ୍ତା ଘର ଥିଲେ
        କେତେ ନୀତି ବାଣୀ ଦେଲେ ।।

ଶ୍ରାଦ୍ଧ ଦିବସରେ ଶ୍ରଦ୍ଧାର ସହିତ
       ଢ଼ାଳଇ କୋଟି ପ୍ରଣତି ।
ପ୍ରଭୁ କୃପା ଥାଉ ଅମର ରଜତ
      ପ୍ରାର୍ଥନା କରଇ ନିତି ।।