ଗଦାଧର ସାହୁ, ବ୍ରହ୍ମଗିରି, ପୁରୀ, ୨ ମଇ ୨୦୨୬
କଙ୍କାଳ କହୁଛି
କଳଙ୍କ କାହାଣୀ
କିଏ ସେ ଶୁଣିବ କୁହ,
ଆମରି ବ୍ଯବସ୍ଥା
ଏତେ ଘୁଣଖିଆ
ଭାବିଲେ ଉଠଇ କୋହ ।
ଶବ ସିନା ଏଠି
କଥା କହେ ନାହିଁ
କୁହାଏ ଅନେକ କଥା,
ଏତେ ଅବ୍ୟବସ୍ଥା
ଆମରି ବ୍ଯବସ୍ଥା
ଶୁଣି ଘୂରିଯାଏ ମଥା ।
ମରିଗଲା ପରେ
ସବୁ ସରିଯାଏ
ଲେଖାଖଣ୍ଡେ ଦରକାର,
କୋଉଠୁ ପାଇବ
କେମିତି ପାଇବ
ନ ଜାଣେ ତା ପରିବାର ।
ଯଦିବା ଜାଣିଲା
ଯାହାକୁ କହିଲା
ହତାଦାର କଲା ସିଏ,
ନେଡି ଗୁଡ ଯହୁଁ
କହୁଣି ଗଡିଲା
ବୁଦ୍ଧି ହଜିଯାଏ ହାଏ ।
ଦୋଷ ଲଦି ଲଦି
ସମସ୍ତେ ଖସନ୍ତି
କାନ୍ଦୁଛି ଯିଏ କାନ୍ଦୁଥାଏ,
ଯୋଜନା ଉପରେ
ଯୋଜନା ହେଉଛି
ଫଳ କୁହ କିଏ ଖାଏ ।
