ଶୂନ୍ୟତା ଗୋଧୂଳିର

ଡକ୍ଟର ମନୋରମା ବିଶ୍ୱାଳ ମହାପାତ୍ର, ଭୁବନେଶ୍ୱର, ୨୦ ଅଗଷ୍ଟ ୨୦୨୩

ବନହଂସୀର ଆଖିରେ ଆଜି ବି
ସପନର ନୀଳ ଢ଼େଉ ଶୂନ୍ୟତା ଗୋଧୂଳିର
ସେ ନୀଳ ଢେଉରେ ପାରଦର ଗାର
ଘନ କୁହୁଡ଼ିର ସ୍ୱର।୧।

ନୀଳ ନକ୍ଷତ୍ର ଛୁଇଁ ଦେଇଯାଏ
କଂପନ ହୃଦୟର
ଅସ୍ତରାଗର ଆକାଶରେ ଉଡ଼େ
ଅନେକ ଶଂଖ ଚିଲ।୨।

ଶିଶିର କୋମଳ ମନରେ ଆଜି ତା
ନିଃଶବ୍ଦ ପଦ ପାତ
ଝଲମଲ ପ୍ରଣୟର
ସାତ ସମୁଦ୍ରର ଶୋଷ ତା ମନରେ
ପଦ୍ମକେଶର ମଣି ସ୍ଵପ୍ନରେ
ବିଭୋର ତା ମନ ପ୍ରାଣ ।୩।

ବନହଂସୀର ଆଖିରେ ଆଜି ବି
ସପନର ନୀଳ ଢ଼େଉ ଶୂନ୍ୟତା ଗୋଧୂଳିର…